تانى كاتب لى خبارك
رائعة الشاعر مختار دفع الله
تانى كاتب لى خبارك
وانت فاكر انو لسه قلبي تايه في مدارك
دى الديار خليتها ذاتها لما ضاقت بى ديارك
والبعاد الشايفو قاسى مازمان كان بى اختيارك
ولما رحت تجور على رحت ابعد عن مسارك
وانت فاكر بنسى جرحك جيت تنمق فى اعتذارك
****
دا الجواب الجانى منك عندى صار ماليهو قيمة
والهوى البيني بينك عدى بالشوق والهزيمة
وهسه لما طريت هواي وقصة الذكرى الأليمة
جاى تانى عشان تعاود للحكايات القديمة
***
يبقى ردى على جوابك يا جميل الرجعة لالا
وكوني ارجع ليك تانى الف مليون استحالة
ما البعاد انت البديتو بوم حرمت الروح وصاله
وانت عارف البادي اظلم إيه لزوم يعنى الرسالة
***
الكلام الفى رسالتك كان بيمشى على زمان
قبل ما تغدر عيونك وقبل ما ياخونى الزمان
انت فاكر انو قلبي ينسى فترة الذل والهوان
لالا لالا
دى الكرامة العندى أغلى من نور عيونك والحنان
ونحن ناس عزتنا اكبر من حنان والحنان
***
اصلو كان خادعني لونك والبريق ألفى عيونك
والبسيمة الضاوية شمعة باقة من أطراف سنونك
وكلو كان تغليف مشاعر وعكس ما تحمل جهونك
***
انت قايل انى ممكن ليك ارجع تانى مرة
لالا لالا دا الجرح من ما استمرة
لو حصل طيفك غشانى ومرة فى زاكرتى مرة
بيبدا ينذف تانى مرة
وياحليل ايام عيونك كان بتلهمنى المسرة
***
الكلام القلتو لى كان بيخدع فينى زيفو
والجرح فى قلبى نوسر ولسه زايد فى نذيفو
***
وانت برضو كان ممكن اهديك نور عيونى
عشان عيونى منى يرضو
واصلى عارف طول سنينى انو اشواقى وحنينى
نقطة الضعف اللفينى
***
الا هسه حقو انو انت تنسى انوكان بيناتنا قصة
ما الزمن استاذ بيقرى اهو قدم لينا حصه
السهاد والقدر اساسها وماعليك ابداُ بدسه
واصلو ماتعشم عيونك انت بهواك انت لسه
***
وانت لو فاكر بنحزن عشان فراقك او جفاك
تبقى موهوم فى عواطفك اصلو قلبى زمان نساك
وابتديت انساهو ليلك
والسنين الراحو ديلك
وانسى جور كل الاماسى الفيها كم قاسيتو ويلك
وانت لو فاكر بنجزن عشان فراقك او جفاك
ياحليلك ياحليلك
***
ليست هناك تعليقات:
إرسال تعليق